Nace a Asociación de Comercio MerCamariñas

directiva-asociacion-comercio-mercamarinas

O Concello de Camariñas comunica a recente constitución da Asociación de Comerciantes de Camariñas, que a partir de agora se encargará do desenvolvemento e mantemento da plataforma ‘MerCamariñas’, unha central de venta en liña para os establecementos do municipio e á que se incorpora, como novidade, as tendas de Encaixe.

Esta iniciativa nacera o pasado ano co obxectivo de adaptar aos vendedores e vendedoras ao comercio electrónico para que poidan vender os seus produtos a través de Internet. Desde o seu nacemento, realizáronse transaccións a nivel local pero tamén internacional, con produtos exportados a Alemaña ou Holanda.

Constituída a Asociación de Comercio de Camariñas, coa incorporación das tendas de Encaixe á plataforma de venta virtual. Encargaranse do funcionamento e mantemento da central de venta en liña para os establecementos do municipio.

Para poder levar a cabo estas tarefas o Concello de Camariñas proporcionou unha formación previa aos responsables de cada establecemento. Fíxose a través de sesións prácticas nas que se trataban temas como: a fotografía de produto de calidade mediante smartphone, edición fotográfica fácil, xestión da tenda virtual, como escribir para que Google coloque á tenda nos resultados de busca ou para estimular ao cliente a comprar e, ademais, tamén se asesorou aos comerciantes no ámbito das redes sociais.

A concelleira de Comercio, Lara Pasantes, quixo poñer en valor “que agora sexa a Asociación de Comercio de Camariñas quen dea un paso ao frente para poder xestionar ‘MerCamariñas’ e continuar a exitosa experiencia que para elas e eles supón ter un escaparate en liña”.

Pola súa parte, a alcaldesa de Camariñas, Sandra Insua, destacou que “este proxecto nacera dunha necesidade, como o era un contexto sanitario adverso, e agora que a tendencia parece que será a normalidade, que exista unha Asociación de Comercio de Camariñas é, sin dúbida, unha das grandes novas do ano”.

Diego Alonso Freire

Deja una Respuesta

Su dirección de correo electrónico no será publicada. Los campos requeridos se hace.