MerCamariñas continúa medrando e ven de realizar a Holanda a súa primeira venta internacional

mercamarinas-vende-internacional

A central de venta en liña do Concello de Camariñas, ‘MerCamariñas’, continúa a medrar e agora a plataforma, coñecida como o Amazon da Costa da Morte, ven de completar a súa primeira venta internacional, concretamente a Amsterdam (Holanda).

O produto, dous pares de zapatillas con caricaturas dos Beatles, foi vendido a través de ‘MerCamariñas’ pola tenda Calzados Silvia. O cliente holandés, contactado ao verificarse a compra, explicou que encontrou este calzado facendo unha busca a través de Google e que quedou encantando co servizo, asegurando que ía a gardar a web para facer futuras compras.

O produto, dous pares de zapatillas con caricaturas dos Beatles, foi vendido a través da plataforma de venta en liña pola tenda Calzados Silvia.

A alcaldesa de Camariñas, Sandra Insua, destaca “o potencial de ‘MerCamariñas’, que abre moitas portas ao noso comercio local, permitíndolles expoñer os seus produtos, que son de moita calidade, máis alá do noso municipio e, como acabamos de comprobar, chegando incluso fóra das fronteiras do país”. “Ogallá repitamos moitas destas compras”, afirma.

Etiquetas: Calzados Silvia

Diego Alonso Freire

Deja una Respuesta

Su dirección de correo electrónico no será publicada. Los campos requeridos se hace.